Թագաւորն ու Ծովը

33,75

25%

«Թագաւորն ու ծովը», որ արդի մանկական գրականութեան դասականացած համաշխարհային նմոյշներէն մէկն է եւ երկար ժամանակէ մը ի վեր անհամբերութեամբ կը սպասուէր նաեւ Թուրքիոյ մէջ, Այչա Սապունճուօղլուի բարձրորակ թարգմանութեամբ ու թարմացուած խմբագրութեամբ դարձեալ ձեզի հետ է։
Թագաւորի մը հանդիպումը ծովու, շուքի, անձրեւի եւ ամպի, գիշերուան ու երկնքի, ուրուականի, ծառի եւ դեռ բազմաթիւ շնչաւոր ու անշունչ առարկայի հետ… Երբեմն ինքզինք տկար զգալուն պատճառով բարկացող, երբեմն իր ուժին պատճառով զարմացող, երբեմն ալ թագաւորութեան սահմաններէն ներս տեղի ունեցածներուն դիմաց խանդավառուող թագաւորին ամէն մէկ հանդիպումը կը պատմուի նուրբ ու զգայուն փոքր հեքիաթներով։ Իւրաքանչիւր հեքիաթ մեծ թէ պզտիկ, ամէն տարիքէ ընթերցողը անզգալաբար կ՚առաջնորդէ երկար մտածումներու։ Պարզ, սակայն քնարական այս  քսանմէ կ հեքիաթը, որ ի յայտ կը բերէ մրցանակակիր գրող Հայնց Եանիշի վարպետութիւնը, համահունչ է մրցանակակիր գծագրող Վոլֆ Էրլպրուխի իւրայատուկ նուազապաշտական նկարներուն ու քոլաժներուն հետ, ինչ որ գրքին կը պարգեւէ անզուգական ամբողջականութիւն մը։ Մանուկներու՝ իմաստասիրական ու մտածելու դաստիարակութեան համար լաւ սկզբնաւորութիւն մը կրնայ նկատուիլ «Թագաւորն ու ծովը»ի հեքիաթները, զորս ան կրկին ու կրկին պիտի կարդայ եւ ամէն անգամ վերստին պիտի յիշէ այդ փոքրիկ թագաւորը, որ պահուած է իւրաքանչիւրիս մէջ։


Պիտակ
Հեղինակ

Հայնց Եանիշ

Նկարազարդող՝

Վոլֆ Էրլպրուխ

Թարգմանիչ՝

Սեւան Տէյիրմենճեան

Բնագրի լեզուն՝

Գերմաներէն

Խմբագիր՝

Սեւենկիւլ Սէօնմէզ

Էջադրում՝

Մելիսա Արսէնեան

Տպագրական տեղեկութիւններ՝

Ա տպագ., Հոկտեմբեր 2021

Էջաքանակ եւ չափեր՝

48 էջ, 22x18,5 սմ

ISBN

9786057469274

«Ծածկոց մը կ՚ուզեմ», ըսաւ թագաւորը։
«Անմիջապէս։ Իսկոյն։ Եւ… թող գեղեցիկ ըլլայ»։
Յանկարծ սկսաւ ձիւն տեղալ։
Ձիւնը տեղաց մեծ ու սպիտակ փաթիլներով։
«Ահա ծածկուէ», ըսաւ երկինքը՝ երկրի վրայ փռելով փայլ մը։
«Շնորհակալ եմ», ըսաւ թագաւորը զարմանքով։

Իւրաքանչիւրիս մէջ կայ փոքրիկ թագաւոր մը, որ երբեմն կը ջղայնանայ՝ երբ ինքզինք տկար զգայ, երբեմն կը զարմանայ իր ունեցած զօրութեան պատճառով, երբեմն ալ կը խանդավառուի այն դէպքերուն դիմաց, որոնք տեղի կ՚ունենան իր թագաւորութեան սահմաններուն մէջ։ Հայնց Եանիշի եւ Վոլֆ Էրլպրուխի հզօր երեւակայութեան շնորհիւ իր բոլոր կողմերով մարմին կ՚առնէ այս թագաւոըը։

Հայնց Եանիշ

Մանկագիր, ձայնասփիւռի ու հեռատեսիլի խմբագիր։ 1960−ին ծնած է Աւստրիա։ Վիեննայի մէջ ուսանած է գերմանական լեզու ու գրականութեւն եւ լրագրութիւն։ Գիրքերը արժանացած են բազմաթիւ մրցանակներու, որոնց կարգին՝ «Պոլոնիա Ռակացցի» եւ Աւստրիոյ Մանկական ու երիտասարդական գիրքերու պարգեւները։ Կը բնակի Վիեննա։


Վոլֆ Էրլպրուխ

Ծնած է 1948−ին։ Ֆոլքվանկի Արուեստի համալսարանէն ստացած է գծանկարչական յօրինումի կրթութիւն։ 1990−ին Տիւսելտորֆի բարձրագոյն վարժարանի նկարազարդումի բաժնէն ստացած է փրոֆեսէօրի տիտղոս։ 1997−2009 թթ. Վուփփերթալ, 2009−2011 թթ. Ֆոլքվանկ համալսարաններէ ներս նկարազարդում դասաւանդած է։ Իր գրած կամ նկարազարդած մանկական գիրքերով արժանացած է բազմաթիւ մրցանակներու, որոնցմէ են 2003−ին Գերմանական երիտասարդական գրականութեան յատուկ մրցանակը, 2006−ին «Հանս Քրիստիան Անտերսեն» մրցանակն ու 2017−ին «Ասթրիտ Լինտկրեն» յուշ−մրցանակը։ Կը բնակի Վուփփերթալի մէջ։

Արկղ

No products in the cart.