Ինչպէս անունն ալ կը յուշէ, գիրքը ամբողջապէս հիմնուած է շրջուած կարդալու եւ գրելու զաւեշտին վրայ։ Գլխաւոր կերպարներն են խոզուկը, կովն ու ձուկը։ Խոզուկ մը եւ կով մը սառած լիճին վրայ չմշկելու ժամանակ, կապ կը ստեղծեն սառոյցին տակ գտնուող ձուկին հետ եւ այդ ձուկը կը դիմէ անոնց օգնութեան։ Խոզուկը կը ջանայ հաղորդակցիլ ձուկին հետ. իր մտերիմ կովը թէեւ մտահոգ է, սակայն անոր հետ համագործակցաբար կը շարժի։ Գիրքին կեդրոնն է բարեկամութեան տարրերէն մին հանդիսացող փոխօգնութիւնը։ Հէքիաթին ծիծաղելի ոճն ու նկարներուն արուեստի գործ մը ըլլալու հանգամանքը գրութենէն անկախ ընթերցումի կարելիութիւնն ալ կու տայ։
Պիտակ
| Լեզու՝ | Հայերէն |
| Հեղինակ | |
| Նկարազարդող՝ | |
| Թարգմանիչ՝ | Սեւան Տէյիրմենճեան |
| Բնագրի լեզուն՝ | Լիթուաներէն |
| Խմբագիր՝ | Ռոպեր Քոփթաշ |
| Էջադրում՝ | Մելիսա Արսէնեան |
| Տպագրական տեղեկութիւններ՝ | Ա տպագ., Հոկտեմբեր 2019 |
| Էջաքանակ եւ չափեր՝ | 40 էջ, 24×29 սմ |
| ISBN | 9786058036376 |
