Անտառին գաղտնիքը

25%

42,00 31,50

Եղնիկը, որ անտառի ամենէն համով կարկանդակները կը պատրաստէ, ամէն օր պտուղ կը հաւաքէ միայն իրեն ծանօթ գաղտնի ու բերրի հողատարածքէ մը։ Ան իր հաւաքած պտուղներով ու Գաղտնի Համերու Գիրքին ալ օգնութեամբ հրաշքներ կը գործէ խոհանոցին մէջ՝ ցերեկէ ետք թէյի ընկերակցութեամբ համեղ քաղցրեղէններ հիւրասիրելով անտառի իր ընկերներուն։ Օր մը սակայն Գաղտնի Համերու Գիրքը կը կորսուի։ Բարկացած Եղնիկը երբ կը սկսի հետապնդել իր գիրքը՝ կը հանդիպի տարօրինակ ու խորհրդաւոր դէպքերու։ Անակնկալ կերպով լուծուած գաղտնիքներու դիմաց Եղնիկին ցուցաբերած վարքը մեզի ցոյց կու տայ հետեւեալը. չկայ դուռ մը, որ չկարենայ բանալ բարութիւնն ու ներողամտութիւնը։ Աշխարհահռչակ մանկագիր Սուսաննա Իսերնի, որու գործերը թարգմանուած են նաեւ թրքերէնի, 3+ տարիքային խումբի համար գրած այս հոյակապ պատմութեամբ մանուկները պիտի ծանօթանան նախանձէ յառաջացած զգացական հակազդեցութիւններու, լայնախոհութեան կարեւորութեան ու ներելու յատկութեան։


Պիտակ
Հեղինակ

Սուսաննա Իսէրն

Նկարազարդող՝

Տանիէլ Մոնթերօ Կալան

Թարգմանիչ՝

Ալինա Հաճեան

Բնագրի լեզուն՝

Սպաներէն

Տպագրական տեղեկութիւններ՝

Ա տպագ., Յունիս 2021

Էջաքանակ եւ չափեր՝

40 էջ, 21x26 սմ

ISBN

9786057469243

Եղնիկ մը որ ամտառին ամենահամով կարկանդակները կը պատրաստէ։ Անհետացած խոհագիրներու գիրք մը։ Լուծուելիք գաղտնիք մը։
“Անտառին գաղտնիքը” գեղեցիկ պատմութիւն մըն է, որ մեզի խորհրդածել կու տայ, նախանձի պարագային, դիմացինը ըմբռնելու եւ ներողամիտ ըլլալու կարողութեան եւ կարեւորութեան մասին։

Սուսաննա Իսէրն

Սուսաննա Իսէրն, մրցանակակիր մանկագիր եւ հոգեբան է։ Ծնած է 1978−ին, Սպանիոյ Սէօ տէ Ուրխէ քաղաքը։ Պատկերազարդ առաջին գիրքը հրատարակուած է 2011−ին։ Ցարդ հեղինակած է աւելի քան երեսուն մանկական գիրք։ Կարճ ժամանակամիջոցի մը մէջ դարձած է համաշխարհային անուն մը եւ իր գործերը թարգմանուած են աւելի քան տասը լեզուներու։ Իսերն, որ իր աշխատանքներուն մէջ հոգեբանութիւնն ու գրականութիւնը կը մէկտեղէ, միաժամանակ համալսարաններու մէջ կը դասախօսէ՝ ուսանելու հոգեբանութեան մասին։ Ան որպէս հոգեբոյժ կ՚աշխատի նաեւ մասնաւոր հիմնարկի մը մէջ։


Տանիէլ Մոնթերօ Կալան

Ծնած է 1981-ին, Մատրիտ։ Ողջ կեանքին ընթացքին միտքը տեւական զբաղած էր թռչուններով ու ժամանակով. երեւակայական արարածները եղան իր արուեստն ու աշխատանքը։ Escuela Superior de Dibujo Profesional-ը աւարտելէ կարճ ժամանակ մը վերջ սկսաւ աշխատիլ որպէս անկախ արուեստագէտ, որ կը սիրէր իր իւրայատուկ ոճով ստեղծագործել ջրաներկի ու նշանակիչ գրիչի յատուկ ձեւերով։ Նկարազարդած է աւելի քան տասնհինգ գիրք։ Պարգեւատրուած է Independent Publisher Book Award-ով, որ մանկական գիրքերու անուանակարգին մէջ հեղինակաւոր մրցանակ մըն է։

Արկղ

No products in the cart.

Զտոցներ